Угадай мелодию

Кисә Табылды ауыл мәҙәниәт йортонда халыҡ йәйҙе оҙатырға йыйылды. Байрамдың тәүге өлөшөндә «Аманат» һәм «Дуҫлыҡ» командалары араһында «Кем йырҙы таный?» уйыны үтте! Байрам мөхите байрамса ине. Уйын башланыу менән зал музыка һәм дуҫтарса ярыш энергияһы менән тулды. Ике команда ла төрлө йылдарҙың хиттарын яҡшы белеүен, шулай уҡ ысын команда рухын күрһәтте. «Дуҫлыҡ» командаһының исеме тулыһынса аҡланды — егеттәр һәм ҡыҙҙар бер-береһен һәр турҙа дәртләндереп торҙо! Уйын бик көсөргәнешле һәм мауыҡтырғыс булды. Ҡатнашыусылар совет классикаларынан алып заманса хиттарға тиклем композицияларҙы таныны — Көтөлмәгән боролоштар ҙа булды — хатта иң ябай көйҙәр ҙә уйларға мәжбүр итте. Уйында 47 мәрәй менән «Дуҫлыҡ» командаһы еңде! 🏆 Ләкин төп һөҙөмтә — ул сағыу эмоциялар, яңы танышлыҡтар һәм бөтә ҡатнашыусыларҙың шәп кәйефе. Командаларға һәм баһалама ағзаларына , тамашасыларға ҙур рәхмәт! Киләсәктә лә ошондай музыкаль майҙансыҡта осрашырға яҙһын!

✨ Байрамдың икенсе өлөшөндә 80 се йылдар дискотекаһында төрлө көйҙәргә рәхәтләнеп арығансы бейеп күңел асты Табылдылар!

i (12)

i (11)

i (13)