Ауыл өсөн 500 имән
22 мая 2025
Районда Айнур Халитов етәкләгән «Ауыл өсөн 500 имән» экологик проекты булдырылған.
Ошо үҫентеләрҙе алыу бәхете беҙгә лә йылмайҙы һәм уларҙы ошо көндәрҙә ауылдаштар менән тәрбиәләп ултыртып ҡуйҙыҡ.Был проект Еңеүҙең 80 йыллығына бағышланған ,бик үҙенсәлекле проект. Ултыртылған имәндәр беҙгә Еңеү бүләк иткәндәргә мәңгелек рәхмәтебеҙ кеүек ныҡ үҫһен. Улар менән бергә беҙгә яҡты киләсәкле,тыныс күкле көндәр үҫһен,килһен!
